Իրանը արձագանքել է ԱՄՆ նախագահ Դոնալդ Թրամփի քննադատությանը՝ հայտարարելով, որ պատերազմը դադարեցնելու վերաբերյալ իր առաջարկը «առատաձեռն» և «ողջամիտ» էր։
«CNN World»-ի փոխանցմամբ՝ Իրանի ԱԳՆ խոսնակ Էսմայիլ Բաղաեին մամուլի ասուլիսի ընթացքում ընդգծել է. «Մեր ներկայացրած տեքստում ամեն ինչ բաղկացած էր ողջամիտ պահանջներից և առատաձեռն առաջարկներից՝ ոչ միայն Իրանի ազգային շահերի, այլ նաև ամբողջ տարածաշրջանի և աշխարհի բարօրության, կայունության և անվտանգության համար։ Գործընթացի շարունակության հարցում մենք ցույց ենք տվել, որ անկախ բոլոր խոչընդոտներից՝ կենտրոնացած ենք Իրանի ազգային շահերի վրա։ Մեր շահերն ապահովելու համար մենք կգործենք անհրաժեշտ ցանկացած եղանակով»:
Հիշեցնենք, որ Իրանն ու ԱՄՆ-ն պատերազմի դադարեցման վերաբերյալ առաջարկներով էին փոխանակվել: Թրամփն Իրանի առաջարկը բնութագրել էր որպես «ամբողջությամբ անընդունելի»։ Թեհրանի պահանջների թվում էին տարածաշրջանում պատերազմի, իրանական նավերի դեմ գործողությունների դադարեցումը, ինչպես նաև ԱՄՆ ճնշումների հետևանքով արտասահմանյան բանկերում սառեցված իրանական ակտիվների ազատումը։
Իրանական պետական լրատվամիջոցների փոխանցմամբ՝ Իրանի առաջարկում ներառված էին նաև Հորմուզի նեղուցի նկատմամբ ինքնիշխանության ճանաչման և պատերազմի հասցրած վնասների փոխհատուցման պահանջներ։
Հետևեք մեզ տելեգրամում
