Հայաստանը մարդասիրական աջակցություն կտրամադրի Լիբանանին

Հայաստանի կառավարությունը որոշում է կայացրել մարդասիրական աջակցություն տրամադրել Լիբանին։ Այդ մասին մայիսի 14-ին հայտարարվել է Կառավարության նիստին:

Նախատեսվում է Կառավարության պահուստային ֆոնդից հատկացնել շուրջ 60 մլն դրամ, որից 34 մլն դրամը՝ պարենային ապրանքների (սննդամթերք) և սանիտարահիգիենիկ պարագաների ձեռքբերման, իսկ 26 մլն դրամը՝ դեղերի ձեռքբերման նպատակով:

Հիմնավորման համաձայն՝ Լիբանանում ընթացող պատերազմական գործողությունների հետևանքով ձևավորվել է հումանիտար ճգնաժամ, որի պայմաններում զգալիորեն աճել է բնակչության պարենային ապրանքների, ինչպես նաև սանիտարահիգիենիկ և առաջին անհրաժեշտության պարագաների և դեղերի կարիքը։