Ռուսաստանը գիշերը բալիստիկ հրթիռներով և անօդաչու թռչող սարքերով զանգվածային հարվածներ է հասցրել Կիևի մարզին, ինչի հետևանքով զոհվել է 14 մարդ, առնվազն 22-ը վիրավորվել են։ Այս մասին հայտնում է «BBC»-ն՝ հղում անելով ուկրաինական պաշտոնական աղբյուրներին։
Կիևի մարզի ռազմական վարչակազմի ղեկավար Տիմուր Տկաչենկոյի խոսքով՝ ինը մարդ զոհվել է Բորիսպոլի շրջանում, չորսը՝ Բուչայի, ևս մեկը՝ Ֆաստովի շրջանում, իսկ Կիևի քաղաքապետ Վիտալի Կլիչկոն հայտնել է, որ փլատակների տակ կարող են մարդիկ մնացած լինել, իսկ վիրավորներից չորսի վիճակը ծանր է։
Նշենք, որ ուկրաինական կողմը հայտարարել է, որ թիրախավորվել են խաղաղ բնակիչներն ու քաղաքացիական ենթակառուցվածքները, իսկ Ռուսաստանը հարձակման վերաբերյալ դեռևս մեկնաբանություն չի արել։
Հետևեք մեզ տելեգրամում
