Բաթումիում տեղի է ունեցել Ադրբեջանի պաշտպանության նախարար Զաքիր Հասանովի հանդիպումը վրաց պաշտոնակից Իրակլի Չիկովանիի հետ։ Ադրբեջանի ՊՆ-ի հաղորդմամբ՝ կողմերը քննարկել են ռազմական համագործակցության հեռանկարները, մտքեր են փոխանակել համատեղ զորավարժությունների ինտենսիվության բարձրացման շուրջ։
Ուշադրության է արժանացել միջազգային մակարդակով ընդունված երկրների տարածքային ամբողջականությանն աջակցությունը։ Նախարարները նաև քննարկել են տարածաշրջանում խաղաղության և անվտանգության ապահովման, ռազմական, ռազմատեխնիկական, ռազմական ոլորտներում համագործակցության նոր հեռանկարները, ինչպես նաև փոխադարձ հետաքրքրություն ներկայացնող այլ հարցեր։
Հավելենք, որ այսօր Բաթումիում տեղի է ունենալու Վրաստանի, Թուրքիայի ու Ադրբեջանի ՊՆ ղեկավարների եռակողմ հանդիպումը։ Թուրքական կողմի հաղորդմամբ՝ Թուրքիայի ՊՆ ղեկավար Յաշար Գյուլերը նույնպես երկկողմ հանդիպում է անցկացրել Վրաստանի պաշտպանության նախարարի հետ։
Վրաստանի և Ադրբեջանի ՊՆ ղեկավարները քննարկել են իրավիճակն տարածաշրջանում
Հետևեք մեզ տելեգրամում
