Թուրքիան ուզում է Շուշիում հյուպատոսություն բացել

Մենք պատրաստ ենք Ադրբեջանի որոշմամբ Ղարաբաղի ցանկացած քաղաքում հյուպատոսություն բացել։ Այս մասին հայտարարել է Ադրբեջանում Թուրքիայի արտակարգ և լիազոր դեսպան Բիրոլ Աքգյունը:

«2021 թվականին մենք հայտ ենք ներկայացրել Շուշայում ( Շուշի) Թուրքիայի հյուպատոսություն բացելու համար։ Առայժմ ոչ մի երկիր այնտեղ հյուպատոսություն չունի»-նշել է դեսպանը։

Ըստ դեսպանի՝ Թուրքիան պատրաստ է Ղարաբաղի (Լեռնային Ղարաբաղ) ցանկացած քաղաքում հյուպատոսություն բացել: