Քուվեյթի իշխանությունները հայտարարել են, որ Իրանը էլեկտրակայան ու ջրի աղազերծման գործարան է թիրախավորել։ Քուվեյթի էլեկտրաէներգիայի նախարարության հայտարարության համաձայն՝ հարձակման հետևանքով զոհվել է մեկ հնդիկ աշխատակից և զգալի նյութական վնաս է հասցվել սպասարկման շենքին։ Փոխանցում է Al-Jazeera-ն:
Իրանական կողմը հերքել է իր մասնակցությունը միջադեպին և կատարվածի մեջ մեղադրել Իսրայելին։ Իրանի պետական հեռուստատեսությամբ հեռարձակված հայտարարության մեջ նշվել է, որ հարձակումն Իսրայելի սադրանքն է, որի նպատակն է վարկաբեկել Իսլամական Հանրապետությունը։
Արաբական երկրները խստորեն դատապարտել են այս միջադեպը։ Կատարը հարձակումն անվանել է հանցավոր ագրեսիա և լիակատար համերաշխություն հայտնել Քուվեյթին։ Սաուդյան Արաբիան հայտարարել է, որ Իրանը խախտում է միջազգային բոլոր նորմերն ու բարիդրացիության սկզբունքները, իսկ Օմանը կողմերին կոչ է արել անհապաղ դադարեցնել պատերազմն ու զերծ մնալ հետագա էսկալացիայից։
Հետևեք մեզ տելեգրամում
