Թուրքիան ոսկու պահանջարկի նոր ռեկորդ է սահմանել

Ոսկու համաշխարհային խորհուրդը տվյալներ է հրապարակել Թուրքիայում ոսկե ձուլակտորների և մետաղադրամների պահանջարկի վերաբերյալ։ Նշվել է, որ Թուրքիայում ոսկե ձուլակտորների և մետաղադրամների պահանջարկը նախորդ տարվա նույն ժամանակահատվածի համեմատ աճել է 29%-ով՝ հասնելով 26.1 տոննայի։

Տվյալների համաձայն՝ տարվա առաջին եռամսյակում ոսկու միջին գինը մեկ ունցիայի համար կազմել է 4872 դոլար։ Այս գնի հիման վրա Թուրքիայում ոսկե ձուլակտորների և մետաղադրամների պահանջարկը առաջին եռամսյակում կազմել է 4.5 մլրդ դոլար, ինչը ռեկորդային ցուցանիշ է։

Ոսկու համաշխարհային խորհրդի զեկույցի համաձայն՝ 2026-ի առաջին երեք ամիսներին ոսկու համաշխարհային պահանջարկը հասել է ռեկորդային 193 մլրդ դոլարի ու, ըստ այմ, ձուլակտորների և մետաղադրամների պահանջարկը ցույց է տվել պատմության մեջ երկրորդ ամենաբարձր եռամսյակային ցուցանիշը։