Սոցցանցերի մշտադիտարկման արդյունքում բացահայտվել է, որ ադրբեջանցիները վանդալիզմի են ենթարկել Արցախի Մարտակերտի շրջանի Վաղուհաս գյուղի զոհված ազատամարտիկների գերեզմանոցը։ Այս մասին ահազանգում է Արցախի մշակութային ժառանգության օմբուդսմեն, «Ազգային» պատմամշակութային ՀԿ փոխնախագահ Հովիկ Ավանեսովը։
Ըստ Ավանեսովի՝ սոցցանցերում առկա տեսանյութերի ուսումնասիրությունը ցույց է տալիս, որ գերեզմանոցը ենթարկվել է համակարգված և նպատակային ավերածության։
Սա Վաղուհաս գյուղում հայրենիքի պաշտպանության համար զոհվածների հիշատակի պղծման առաջին արձանագրված դեպքը չէ։ Դեռևս 2024 թվականի հունվարին հայտնի էր դարձել, որ ադրբեջանցի զինվորները ոչնչացրել են գյուղի ճանապարհամերձ հատվածում գտնվող խաչքարը, որը կանգնեցվել էր 2020 թվականին Ադրբեջանի կողմից Արցախի դեմ սանձազերծված լայնածավալ պատերազմի ընթացքում զոհված Մխիթար Աղաբեկյանի հիշատակին։
Հետևեք մեզ տելեգրամում
