Թուրքիայի արտաքին գործերի նախարարության խոսնակ Օնջու Քեչելին «X» հարթակում հայտարարություն է տարածել Հայաստանի և Թուրքիայի միջև ուղիղ առևտրի մեկնարկի վերաբերյալ․
«Հայաստանի հետ 2022 թվականից շարունակվող կարգավորման գործընթացի շրջանակում իրականացված վստահության ամրապնդման քայլերի արդյունքում մեր երկրի և Հայաստանի միջև ուղիղ առևտրի մեկնարկին առնչվող բյուրոկրատական նախապատրաստական աշխատանքները 2026 թվականի մայիսի 11-ի դրությամբ ավարտվել են։
Երկու երկրների միջև ընդհանուր սահմանի բացմանն ուղղված անհրաժեշտ տեխնիկական և բյուրոկրատական աշխատանքները դեռ շարունակվում են։
Գործարկված նոր կարգավորման շնորհիվ հնարավոր է դարձել, որ Թուրքիայից որևէ երրորդ երկիր, այնտեղից էլ Հայաստան ուղարկվող կամ նույն երթուղով տեղափոխվող ապրանքների վերջնական նպատակակետը կամ ելակետը նշվի որպես «Հայաստան/Թուրքիա»։
Հետևեք մեզ տելեգրամում
