Հունիսի 2-ին Բահրեյնի ներքին գործերի նախարարությունը հայտարարել է Իրան և Իրաք ուղևորություններն արգելելու մասին։ «Արմենպրես»-ի փոխանցմամբ՝ այս մասին գերատեսչությունը հայտնել է X սոցիալական հարթակում:
«Անվտանգության նկատառումներից ելնելով՝ քաղաքացիներին արգելվում է ուղևորություններ կատարել Իրան և Իրաք», – նշվել է հաղորդագրության մեջ։
Նախարարությունը կոչ է արել քաղաքացիներին ենթարկվել այս որոշմանը՝ Մերձավոր Արևելքում փխրուն հրադադարի ֆոնին։
Նշենք, որ, ըստ արաբական ԶԼՄ-ների, Իրանի և Միացյալ Նահանգների միջև ռազմական գործողությունների ակտիվ փուլի ժամանակ Բահրեյնի տարածքում գտնվող ամերիկյան ռազմական օբյեկտները զգալիորեն վնասվել են իրանական հարվածների հետևանքով։
Հետևեք մեզ տելեգրամում
