Region Monitor-ը ներկայացնում է շաբաթվա ընթացքում Իրանում, Թուրքիայում Հվ. Կովկասում, արաբական մի շարք երկրներում տեղի ունեցած կարևոր զարգացումները և իրադարձությունները:
- Թուրքիայում անցկացվել են Eternity-2022 զորավարժությունները, որին մասնակցել են Ադրբեջանը, Վրաստանը ու Թուրքիան:
- Համատեղ զորավարժություններ են անցկացրել նաև ռուս և սիրիացի զինվորականները: Համատեղ զորավարժություններին 100-ից ավելի զինծառայող է մասնակցել։
Շաբաթվա ընթացքում իրականացվել են նաև այցելություններ և հանդիպումները:
- Մադրիդում ընթացող ՆԱՏՕ-ի գագաթնաժողովի շրջանակներում հանդիպել են Թուրքիայի նախագահ Ռեջեփ Թայիփ Էրդողանն ու Ջո Բայդենը։
- Իրաքի վարչապետը մեկնել էր Թեհրան և հանդիպել Իրանի նախագահ Էբրահիմ Ռայիսիի, արտգործնախարար Ամիր Աբդոլլհիանի հետ:
- Անկարայում հանդիպել էին Իրանի և Թուրքիայի արտգործնախարարները: Հանդիպմանն անդրադարձ է կատարվել նաև Սիրիայի զարգացումերին, Կովկասին, «3+3» ձևաչափին, Պաղեստինին, ուկրաինական պատերազմին, Իրանի միջուկային բանակցություններին:
- Իրանի արտգործնախարարը հանդիպել է նաև Թուրքիայի նախագահին: Աբդոլլահիանը նշել է, որ տարածաշրջանում ու Իրանի հարևան երկրներում Իսրայելի գործողությունները անկայունություն ստեղծելու նպատակ են հետապնդում:
- Հայաստան–Թուրքիա կարգավորման գործընթացի շրջանակներում երկու երկրների հատուկ ներկայացուցիչները հանդիպեցին Վիեննայում։
- Աշխաբադում Կասպից ծովի գագաթաժողովի շրջանակում հանդիպել են Ադրբեջանի նախագահ Իլհամ Ալիևը և Ռուսաստանի նախագահ Վլադիմիր Պուտինը:
Տարածաշրջանային այլ զարգացումներից առանձնացրել ենք հետևյալները.
- Իսրայելի խորհրդարանը ինքնալուծարվել է քաղաքական կուսակցությունների՝ ընդհանուր հայտարարի չգալու պատճառով: Նոր ընտրությունները կայանալու են նոյեմբերի 1-ին:
- Իրանը շարունակում է դատապարտել Ադրբեջանի իշխանություններին շիա հավատացյալների նկատմամբ տարվող խիստ քաղաքականության համար:
- Իսկ Ադրբեջանը շարունակում է ապատեղեկատվությամբ լցնել մեդիա դաշտը: ՀՀ պաշտպանության նախարարությունը հերքման հաղորդագրություն է տարածել:
- Մադրիդում անցկացված ՆԱՏՕ-ի գագաթնաժողովի ընթացքում Թուրքիան, Ֆինլանդիան և Շվեդիան հուշագիր էին ստորագրել:
- Տելեգրամյան ալիքներում տեսանյութ էր տարածվել, համաձայն որի՝ թուրքական Bayraktar-ները 44-օրյա պատերազմի ժամանակ կրակում էին ադրբեջանցիներին:
- Եվրախորհրդի նախագահ Շառլ Միշելը հայտարարել է, որ Եվրամիությունը հավատարիմ է Վրաստանին աջակցելուն, որպեսզի երկիրը կարողանա առաջ շարժվել եվրաինտեգրման ճանապարհով՝ անհրաժեշտ բարեփոխումներ իրականացնելով։
- Կատարը Լիբանանի բանակին 60 միլիոն դոլարի աջակցություն է տրամադրելու: Կատարի ֆինանսական աջակցությունը կօգնի վճարել լիբանանցի զինվորների աշխատավարձերը:
- Հունիսի 28-ին Մադրիդում անցկացված ՆԱՏՕ-ի գագաթնաժողովի ընթացքում Թուրքիան, Ֆինլանդիան և Շվեդիան հուշագիր էին ստորագրել:
Հայաստանի վարչապետ Նիկոլ Փաշինյանը շատ բարձր է գնահատել Կատար կատարած այցը՝ նշելով, որ այն եղել է շատ ջերմ և արդյունավետ: Այս մասին վարչապետը հայտնել է՝ պատասխանելով «Region Monitor» լրատվական կայքի հարցին:
Հետևեք մեզ տելեգրամում
