Իրանի Իսլամական Հանրապետության արտգործնախարար Աբբաս Արաղչին ՌԴ արտգործնախարար Սերգեյ Լավրովի հետ մամուլի ասուլիսի ընթացքում, պատասխանելով Կովկասի վերաբերյալ հարցին, նշել է.
«Շատ լավ խորհրդակցություններ ունեցանք և մեր դիրքորոշումը լիովին հստակ է: Իրանը համոզված է, որ Կովկասի ու Կենտրոնական Ասիայի անվտանգությունն ու կայունությունը պետք է հենց այդ տարածաշրջանի երկրների միջոցով ապահովվի: Այդ շրջանակներում Իրանը Կովկասի համար 3+3 մեխանիզմն է առաջարկել և լրջորեն հետամուտ է դրան: Այժմ էլ պլանավորվում է այդ ձևաչափով ԱԳ նախարարների հաջորդ հանդիպումը: Իրանը կտրականապես դեմ է Կովկասում ցանկացած օտար ուժի ներկայությանը, և այս դիրքորոշման մասին հայտնել ենք հարևաններին և տարածաշրջանային գործընկերներին: Իրանն ու ՌԴ-ն այս հարցում ունեն ընդհանուր դիրքորոշում և հավատացած են, որ տարածաշրջանից դուրս գտնվող որևէ երկիր կամ ուժ չպետք է միջամտի Կովկասի անվտանգային հարցերին կամ սպառնա տարածաշրջանի կայունությանը»:
Հետևեք մեզ տելեգրամում
