ՌԴ Պետդումայի փոխնախագահ Պյոտր Տոլստոյը հայտարարել է, որ Հայաստանի քաղաքացիների համար Ռուսաստանում գործող միգրացիոն արտոնությունները կարող են վերանայվել։
«Հայաստանի քաղաքացիների համար ընթացիկ արտոնությունները, օրինակ՝ Ռուսաստանի տարածքում առանց գրանցման երկարաժամկետ կեցության իրավունքը կամ աշխատանքի ընդունման պարզեցված կարգը, հիմնված են ռազմավարական դաշնակցի կարգավիճակի վրա», -ասել է Տոլստոյը Մոսկվայում կայացած ելույթի ընթացքում։
Նա նաև նշել է, որ եթե Ռուսաստանը որոշի «տարանջատվել» Հայաստանից, դրա հետևանքները, «ծանր կլինեն» Հայաստանի համար։
Ավելի վաղ ռուսական «Коммерсантъ» պարբերականն էլ հայտնել էր, որ Մոսկվան կարող է վերանայել Հայաստանի հետ գործող համաձայնագիրը, որով գազը, նավթամթերքը և չմշակված ադամանդները մատակարարվում են արտոնյալ պայմաններով։
Հետևեք մեզ տելեգրամում
