Իսրայելի ԱԳ նախարար Գիդեոն Սաարը գրառում է կատարել առ այն, որ կառավարության հաջորդ նիստում նրա հաստատմանը կներկայացնի Իսրայելի կառավարության կողմից Հայոց ցեղասպանության պաշտոնական ճանաչման մասին որոշման նախագիծը։
Իսրայելի կողմից Հայոց ցեղասպանության ճանաչման հարցը մշտապես գնահատվել է՝ որպես կարևոր իրավական, քաղաքական, բայց հատկապես բարոյական քայլ՝ որպես նման աղետ ապրած ժողովրդի հայրենիքի դիրքորոշում։ Մինչդեռ հրեական պետությունը մշտապես առաջնահերթություն է համարել Թուրքիայի և Ադրբեջանի հետ հարաբերությունների կարևորությունը՝ ստորադասելով հարցի վերոնշյալ կողմերը։
Իսկ ներկայում ևս, Սաարի գրառման երկրորդ հատվածը՝ «Օսմանյան կայսրության ժամանակաշրջանում հայ ժողովրդի նկատմամբ իրականացված ցեղասպանության ճանաչումը մեր բարոյական և պատմական պարտքն է։ Միաժամանակ պատմական ճշմարտության ժխտումը, նսեմացումը կամ խեղաթյուրումը պետք է արժանանան դատապարտման։» որևէ կապ չունի Իսրայելի «բարոյական և պատմական պարտավորության» հետ, այլ ընդամենը քաղաքական և քարոզչական լծակ է՝ Թուրքիայի հետ հարաբերությունների լարվածության գագաթնակետին, այդ երկրին ամերիկյան «F-35» կործանիչների մատակարարման թեմայի վերակտիվացման ֆոնին, Անկարայի ուղղությամբ թափահարելու համար։
Այսպես նախկինում վարվել է նաև վարչապետ Նեթանյահուն, Իսրայելի Քնեսեթի մի քանի հանձնաժողովներ և վերջ…
Գրառումն արաբագետ Արմեն Պետրոսյանի Facebook-ի էջից:
Հետևեք մեզ տելեգրամում
