Շաբաթը տարածաշրջանում

Region Monitor-ը ներկայացնում է շաբաթվա ընթացքում Իրանում, Թուրքիայում  Հվ. Կովկասում, արաբական մի շարք երկրներում տեղի ունեցած կարևոր զարգացումները և իրադարձությունները:

Այս շաբաթը հարուստ էր այցելություններով և հեռախոսազրույցներով:

Շաբաթվա սկզբում Հայաստանի Հանրապետության նախագահ Վահագն Խաչատուրյանը պաշտոնական առաջին այցով մեկնել է Վրաստան: Վրաստանի նախագահի նստավայրում՝ «Օրբելիանի» պալատում նրան ընդունել է իր պաշտոնակից Սալոմե Զուրաբիշվիլիին: Նախագահները քննարկել են հայ-վրացական հարաբերություններին և զարգացման հեռանկարներին վերաբերող հարցեր:

Այցի շրջանակներում Խաչատուրյանը հանդիպել է նաև Վրաստանի վարչապետ Իրակլի Ղարիբաշվիլիին:

Հայաստան է այցելել Հարավային Կովկասում և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարի գլխավորած պատվիրակությունը: Նրանց ընդունել է ՀՀ ԱԽ քարտուղար Արմեն Գրիգորյանը:

Իսկ Ռուսաստանի արտգործնախարար Սերգեյ Լավրովը Հայաստան կայցելի հունիսի 8-ին:

Բայց այս՝ ԶԼՄ-ներում տեղեկություն է տարածվել, որ ԱՄՆ նախագահ Ջո Բայդենը առաջիկայում նախատեսում է այցելել Իսրայել և Սաուդյան Արաբիա՝ էներգետիկ ճգնաժամի ֆոնին:

Իր հերթին Ռուսաստանի արտգործնախարար Սերգեյ Լավրովն այցելել էր Սաուդյան Արաբիա և հանդիպել ՕՊԵԿ-ի անդամ պետությունների արտգործնախարարների հետ: Լավրովը հայտարարել էր, որ Պարսից ծոցի երկրները չեն միանալու Մոսկվայի նկատմամբ կիրառվող պատժամիջոցներին:

Իսկ Թուրքիայի խորհրդարանի նախագահ Մուսթաֆա Շենթոփի գլխավորած խորհրդարանական պատվիրակությունը ժամանել էր Բաքու՝ մասնակցելու Հասարակական գիտությունների միջազգային 7-րդ կոնգրեսին։

Այցելություններից բացի տեղի են ունեցել մի շարք հեռախոսազրույցներ:

Հունիսի 1-ին Հայաստանի Հանրապետության արտաքին գործերի նախարար Արարատ Միրզոյանը հեռախոսազրույց է ունեցել Սաուդյան Արաբիայի Թագավորության արտաքին հարաբերությունների պետնախարար Ադել Բին Ահմեդ Ալ-Ջուբեյրի հետ:

Կողմերը քննարկել են Հայաստանի ու Սաուդյան Արաբիայի միջև համագործակցության երկկողմ և բազմակողմ օրակարգերի ձևավորման, հարաբերությունների զարգացման հեռանկարները:

ՀՀ վարչապետ Նիկոլ Փաշինյանը հեռախոսազրույցներ էր ունեցել Ռուսաստանի նախագահ Վլադիմիր Պուտինի և Իրանի նախագահ Էբրահիմ Ռաիսիի հետ:

Հեռախոսազրույց են ունեցել նաև Ադրբեջանի նախագահ Իլհամ Ալրևը և ՌԴ նախագահ Վլադիմիր Պուտինը: Զրույցի ընթացքում Ալիևը տեղեկացրել է Բրյուսելում Հայաստանի վարչապետ Նիկոլ Փաշինյանի և Եվրոպական խորհրդի նախագահ Շառլ Միշելի հետ կայացած հանդիպման մասին:

Իր հերթին Ադրբեջանի պաշտպանության նախարարությունը կրկին ապատեղեկատվություն էր տարածել: Այս մասին հաղորդագրություն է տարածել ՀՀ պաշտպանության նախարարությունը:

Լիբանանում կայացել էր խորհրդարանի առաջին նիստը ընտրություններից ի վեր: Նիստի ընթացքում խորհրդարանի գործող նախագահ Նաբիհ Բերին վերընտրվեց իր պաշտոնում 65 պատգամավորների քվեարկությամբ: Նաբիհ Բերին խորհրդարանի խոսնակի պաշտոնում վերընտրվել է արդեն յոթերորդ անգամ չորս տարի ժամկետով:

Իսկ խորհրդարանի բյուրոյի 4 նորընտիր անդամներից մեկը հայազգի Լիբանանի ՀՅԴ կենտրոնական կոմիտեի և Հայկական պատգամավորական բլոկի ներկայացուցիչ Հակոբ Բագրատունին է:

Իսկ ԶԼՄ-ներում տարածվել են Լիբանանի վարչապետի հնարավոր թեկնածուների անունները: Գործող վարչապետ Նաջիբ Միկաթիի թեկնածությունը նույնպես հավանական է համարվել:

Հայաստանում Սիրիայի նորանշանակ դեսպան Նորա Արիսյանը հունիսի 2-ին իր հավատարմագրերի պատճենն է հանձնել Հայաստանի արտգործնախարար Արարատ Միրզոյանին։ 

Շաբաթը Թուրքիայում նույնպես ուշագրավ էր:

Այս օրերին թուրքական լրատվամիջոցների ուշադրության կենտրոնում էր Սիրիայում Թուրքիայի կողմից  հնարավոր ռազմական  գործողությունը քրդական ուժերի դեմ , որոնք Անկարան համարում է ահաբեկչական:

Ինչպես տեղեկացրել էինք նախորդ շաբաթ, Թուրքիայի նախագահը հայտնել էր առաջիկայում քրդական ուժերի դեմ Սիրիայում նոր ռազմական գործողություն սկսելու մասին:

Այդուհանդերձ, այս շաբաթ թուրքական դիվանագիտական և ռազմական անանուն աղբյուրները կատարական հայտնի լրատվամիջոցներից մեկի հետ զրույցում հայտնել էին, որ Անկարան հետաձգել է ռազմական գործողությունը:  

Իրենց հերթին ԱՄՆ-ն ու Ռուսաստանն անհանգստություն էին հայտնել Սիրիայում Թուրքիայի հնարավոր ռազմական գործողության սկսելու վերաբերյալ:

Էրդողան էլ անդրադարձել էր հայ-թուրքական հարաբերություններին՝ նշելով «Մենք անկեղծաբար շարունակում ենք Հայաստանի հետ կարգավորման գործընթացը»